ما هو حساس الكامة في السيارة

cam shaft position sensor

وده وظيفته استكشاف موضع عمود الكامة ونقل المعلومة للكنترول وعلي اساسها الكنترول بيبعت اشارات توقيتات الحقن والاشعال

حساس كامة

يتكون هذا الحساس من الداخل من دائرة الكترونية داخلية وعند إمداد هذه الدائرة بى 12 فولت ( باور الحساس) يتم بناء مجال مغناطيسى يتقاطع مع أسنان الترس الذى يحسب منه الحساس وضع عمود الكرنك او الكامة وعند قطع هذا المجال يتولد نبضة كهربية يمكن أن يحسب من خلالها الكنترول وضع عمود الكامة أو الكرنك ويجب ملاحظة الأتي

أطراف حساس الكامة هى

1_ +12 فولت عند فتح الكونتكت

2- السيجنال 5 فولت تخرج من الكنترول إلى الحساس

طب إزاى الكنترول هيخرج للحساس المفروض ان الحساس هوه اللى هيدى للكنترول الأشارة ؟؟

اللى بيحصل عمليا إن الكنترول فعلاً بيخرج 5 فولت على طرف السيجنال وعند تشغيل المحرك تقوم دائرة الحساس بتقطيع هذه الفولت إلى موجة ديجيتال يستطيع الكنترول التعامل معها مباشرة ويكون قوتها 5 فولت ولها ذبذبة علي حسب سرعة المحرك.

3- أرضى الحساس ( إشارة وباور)

ويمكن قياس طرف باور الحساس بالمالتىميتر من خلال ظبطه على VOLT DC ووضع طرف على الأفو على طرف الباور والطرف الأخر للأفو مع الأرضى مع فتح الكونتكت والتحقق من وجود 12 فولت وتكرار نفس الخطوات مع طرف السيجنال

اعراض تلف حساس الكامة ومشاكله

ضعف في سحب السيارة

تبطيل علي السلانسية

زيادة استهلاك البنزين

وده بيحصل نتيجة تلف في ضفيرة الحساس او ضعف مقاومة الحساس الداخلية او تلف ورايش علي عمود الكامة اللي الحساس راكب عليه وبياخد الاشارة منه