افضل موقع استثمار white sands

هل موقع white sands صادق ولا نصاب؟ اكتشف

نصبايه اتكررت كتير وكل مره بتنجح فا غرض البوست للتوعية فا ربما يوصل لشخص هيقع في الفخ دا

من فتره اتفتحت شركة باسم ( white sands ) نصبايه جديده بفكره بسيطه هيه ان عملها قايم علي زيادة التفاعل علي فديوهات علي يوتيوب في مقابل انها هتدفعلك مبلغ مالي محترم مقابل مجهوداتك

ولاكن مكنش دخول الشغل مجاني حيث انهم اخترعوا باقات لعملاء vip علشان بجيلهم عروض اكتر فا يكون عندهم امكانيه يعملو فلوس ودخل اكبر

وتراوحت الباقات من ٣٠٠٠ جنيه الي ٣٠ الف جنيه وطبعا كل ما دفعت اكتر كل ما دخلك كان اعظم بحيث انهم هيعطوك وعود وعهود باسترداد ضعف المبلغ المدفوع بعد شهر وعدة ايام بسيطه

وبالفعل اشتغلت الشركة كما وعدت ووفت فتره من الزمن حيث انها كانت بتدفع للناس حقها في مقابل ان الناس تدخل ناس جديده معاهم لزيادة دخلهم بردو واتمام الشغل المطلوب منهم🤔

هل موقع white sands صادق ولا نصاب؟ اكتشف

طبعا اعلانات الشركة كلها تحت غطاء التسويق الشبكي او الهرمي فا للاسف اللي بيعرض عليك انك تنضم بيكون اخوك او ابن عمك او اقرب اصحابك وطبعا مبيكنش قصده انه ينصب عليك نهائيا لانه بالفعل رد رأس ماله بالكامل ودخل في مكاسب حقيقيه وبيخطط لحياته الجديده من حيث العربيه المرسيدس والحياة مثل الاثرياء

ازاي الشركة بتنصب؟

الموضوع بسيط ياصديقي! كل شركات العالم بتحتاج حجات كتير علشان تبدأ تشتغل زي مقر الشركة والعماله والأجهزة اللي هتشتغل في تصنيع المنتج وتكلفة المواد والاعلانات عن المنتج وغيره وبعديها بيظهرلك سعر المنتج النهائي بعد الكلام دا كله

شركات النصب بتتجاهل كل ما سبق تماما بحيث انها بتوهمك بوجود مشروع كبير علي نفس التفاصيل دي وان دورك هيكون قايم علي الاعلانات لمشروعهم بحجة انهم حابين يكون التسويق شبكي او هرمي مش عادي والفائدة تعم علي الجميع

طبعا بما ان مفيش مشروع اصلا او عماله فا الفكره بتكون متمحوره علي رأس مال بيتم توزيعه علي المغفلين في اعلي الترتيب الهرمي بيحث يصدقو انهم كسبو فلوس حقيقيه ويتأكدو اكتر من مصدقية الشركة ويبدأو الاعلان عنها لا اراديا بغرض زيادة دخلهم

لحد ما الشركة توصل للثروة البشرية اللي هيه عوزاها وتلم فلوس من الناس وتقفل وتمشي