ازاى تنقذ الأطفال من الأختناق بسرعه
ازاى تنقذ اولادك من الأختناق بسرعه
✅ تصرف واحد سريع كان السبب في إنقاذ طفلة من الاختناق ⚠️
بعد أنتشر فيديو لأب وأم داخل مستشفى بسرعة وحالتهم صعبة جدًا..
بيدوروا على أي دكتور يلحقهم لأن بنتهم بتتخنق 💔
الأب حرفيًا كان بيتنطط من الخوف على بنته 💔، وأول ما الدكتور مسك البنت وقدر ينقذها بحركة بسيطة.. الأب سجد لله و وكان مش عارف يشكر الدكتور إزاي بعد انقاذ البنت 🥺🤍
✅ لحظات صعبة وموقف يمكن أهالي كتير اتعرضوله بدرجات مختلفة 🥺💔
بس تعرف أنك ممكن تنقذ ابنك بنفسك من الاختناق لو اتعلمت كام طريقة بسيطة؟ 🤔
🌟 الأطفال في السن الصغير وارد جدًا يبلعوا حاجات صغيرة، والبلع في حد ذاته أمره أسهل من أنه يخنقه وميتبلعش 🤷🏼♀️
👈🏻 في حالة إنه متبلعش فيه حاجة من اتنين:
١. لو عمل اختناق جزئي وهنا الطفل بيكون قادر يتنفس بس بصعوبة شوية وقادر يكح ويتكلم وهنا بيديك وقت شوية تتصرف.
٢. اختناق كامل، هنا مجرى التنفس قافل بالكامل والطفل مش بيتكلم ولا يكح ولا يتنفس وهنا التصرف لازم يكون سريع جدًا جدًا.
✍🏻 طيب في الحالتين تتصرف إزاي؟؟ 🤔
✅ التصرف هيكون حسب الطفل كبير ولا صغير أو رضيع!!!
🌟 في حالة كان طفل كبير فوق السنة: 🧒
١- تخبط على ظهره بين الكتفين خمس مرات بقوة 🤛
٢- تلف إيدك حواليه وأنت من الخلف وتضم كف إيدك فوق منطقة السرة والإيد التانية فوقها وتضغط للداخل وفوق في نفس الوقت خمس مرات 👋
🌟 لو كان طفل رضيع:
١. بتنيم الطفل على ركبتك وبطنه لتحت ودا اللي عمله الطبيب في الفيديو، وتخبط خمس مرات على الظهر بين الكتفين.
٢. لو لسه مخنوق بتنيمه على ظهره وتضغط في منتصف صدره بصباعين فقط لو رضيع، أو بإيدك لو طفل أكبر من سنة، خمس مرات✌
✍🏻 في كل الحالات بتعيد الخطوتين بالتناوب لحد ما الطفل يخرج الحاجة اللي مسببه الاختناق 😃
🌟 الخطوات البسيطة يا ريت نتعلمها وننشرها عند كل اللي نعرفهم لأنك ممكن تكون سبب في إنقاذ حياة طفل 🤍
تعليقات