تطعيم الإنفلونزا الموسمية ٢٠٢٠
تطعيم الإنفلونزا الموسمية ٢٠٢٠
تطعيم الإنفلونزا الموسمية ٢٠٢١
#تطعيم_الانفلوانزا
كلام فى منتهى الاهمية
تنبيه بخصوص تطعيم الإنفلونزا هذا العام
يمثل تطعيم الإنفلونزا هذا العام ( 2021/2020) أهمية قصوى
حيث تحذر منظمة الصحة من تزامن الإصابة بالإنفلونزا مع إحتمالية الإصابة بفيروس كورونا المُستجد
وقد تعاقدت وزارة الصحة المصرية، ممثلة فى فاكسيرا (المصل واللقاح) على إستيراد لقاح الأنفلونزا الموسمية
#INFLUVAC_Tetra
#VAXIGRIP_Tetra
فلو سمحت كمل قراءة باقى البوست علشان تعرف كل المعلومات عن التطعيم بتاع السنة ديه لانه مختلف
و لو سمحتوا إحنا عايزين آكبر عدد من الشير
------------------------------------------------------------
إيه هو تطعيم الأنفلونزا ؟
فى اى حرب و علشان تتغلب على عدوك ، لازم تكون فاهمه و عارفه كويس
و ده ببساطة شديدة معنى كلمة لقاح
اللقاح معناه ان احنا جبنا الفيروس المسبب للانفلونزا مقتول مش مضعف killed vaccine
( علشان ميضركش و لا يخليك تتعب)
و بعدين بنحقنه ف جسمك ، و كده يقدر جسمك او جهازك المناعى يتعرف عليه
و يكوّن ليه اجسام مضادة
من غير ما يسببلك لك اى مشاكل
يعنى من الاخر حركة دفاعية استباقية لتحفيز جهازك المناعي
و بالتالي عند اصابتك بالفيروس الحقيقى الحى مرة ثانية
جسمك يقدر يتغلب عليه بمنتهى السهولة
------------------------------------------------------------
طيب هو ليه بينزل كل سنة تطعيم انفلونزا جديد ؟؟
ده لان الفيروس عدو صعب ، دايما بيغير من تركيبه وشكله الخارجي كل فترة علشان جهازك المناعى ميتعرفش عليه
فعلشان كده التطعيم كل سنة لازم يتجدد
------------------------------------------------------------
يعنى انا لو اخدت التطعيم ده مش هيجيلى انفلونزا؟
اولا انا عايز اتفق معاك على حاجة قبل ما اجاوبك :
** لازم تبقى عارف ان فيه فرق ما بين الانفلونزا و دور البرد العادى
الانفلونزا أعراضها زى البرد بس على أشد ومعاها كحة وسخونة وتكسير فى الجسم
التطعيم اللى انا بتكلم عنه هيحميك من الانفلونزا الفيروسية
.................................................
احب اقولك ان التطعيم ضد الانفلونزا الفيروسية يمنحك 4 حاجات :
1. حماية ٩٠ ٪ من الانفلونزا الفيروسية الموسمية
2. بيقلل حدة الأعراض
3. يقصر مدة الأعراض
4. والأهم إنه بيمنع المضاعفات
------------------------------------------------------------
طيب هو مين اللى لازم يتطعم ؟؟
كلنا بلا استئناء لازم نتطعم ، و خصوصا اننا محتاجين مناعة قوية علشان نحصن نفسنا
من اى دور انفلونزا ممكن يجيلنا
فيضعف مناعتنا و نكون عرضة لا قدر الله لاى فيروس تانى ( كورونا )
بس لو حبيت اوجه كلامى لناس بعينها :
1. الاطفال ثم الاطفال ثم الاطفال *******
2. مرضى حساسية الصدر
لإن دور الإنفلونزا والبرد من الأسباب اللي ممكن تدخله في ازمة صدرية لا قدر الله
3. مرضى الجيوب الانفية
4. الأمراض المزمنة يعنى سكر، ضغط ، ...
5. ذو المناعة الضعيفة ، اللى مع اى دور برد بيحصلهم مشاكل كتير
6. كبار السن
7. الحوامل بس بعد استشارة طبيب النساء والولادة
8. المرضعات
------------------------------------------------------------
المفروض نتطعم إمتى ؟
يُفضل إعطاءه خلال فصل الشتاء
عشان مفعوله يحمينا
(بيبدا مفعوله علطول و بيستغرق من ايام إسبوعين لظهور تأثيره كاملا )
يعني افضل توقيت دلوقتي
ولا يُنصح بإعطاءه أثناء أدوار البرد لكن مش ممنوع
------------------------------------------------------------
طيب يا دكتور انت ليه بتكلمني عنه دلوقتي يعني ما هو انت اكيد مش هتقول كلام جديد عن السنة اللي فاتت ؟
السنة ديه بقي فيه جديد و هو ان التطعيم اللي نازل هو
( تطعيم انفلونزا رباعي)
Influvac Tetra
Vaxigrip Tetra
و دة غير التطعيم الثلاثي بتاع السنين اللي فاتت
------------------------------------------------------------
ثلاثي و رباعي ايه اللي انت بتقول عليهم دول انا مش فاهم حاجة !!
فيروسات الانفلونزا دي فيه منها انواع منها :A و B
كل نوع بيندرج تحتها سلالات معينة من الفيروسات و بناء علي عدد السلالات اللي موجودة ف التطعيم بنقول عليه ثلاثي و لا رباعي
التطعيم الثلاثي :
دة كان فيه (سلالتين من نوع A + سلالة واحدة من نوع B)
التطعيم الرباعي
ده بقي فيه ( سلالتين من نوع A + سلالتين من نوع B)
------------------------------------------------------------
طيب هى الجرعة إيه يادكتور ؟ وهل ينفع لكل الأعمار ؟؟
اولا : الأطفال
من سن ٦ شهور المناسب هو ال Vaxigrip Tetravalent جرعة كاملة
اما ال Influvac Tetra مناسب للأطفال من سن 3 سنين برضه جرعة كاملة
ثانيا : نخلى بالنا ان الطفل اللى عمره اقل من ٩ سنوات و كان اول مرة يأخذ التطعيم فى حياته
لازم يكرر الجرعة بعد شهر
ثالثا : ٩ سنين فيما فوق
بياخذ التطعيم مرة واحدة فقط
رابعا .التطعيم يُعطى فى عضلة الكتف بعمق
و ممكن تحت الجلد (في الذراع مثلا)
------------------------------------------------------------
طيب فى موانع يادكتور للتطعيم او اعراض ؟؟
بالنسبة لموانع الاستخدام :
1. اى حد عنده حساسية من البيض ولو ان ده.تم.استبعاده او لمضاد حيوى من نوع جينتاميسين ، نيومايسين
2. اي حد عنده حساسية من تطعيم الانفلونزا او احد مكوناته عموما
3. اى حد عنده حساسية من بعض المركبات زى
( Formaldehyde, methyltriphenylphosphonium bromide, polysorbate 80)
** بالنسبة للاعراض الجانبية :
1. فى بعض الحالات وجع بسيط وإحمرار أو تورم مكان الحقنة
2. نادرا ما يسبب سخونة أو صداع وآلام بالجسم
3. وحالات نادرة جدا جدا يحدث حساسية أو طفح جلدى
و بالمناسبة مفيش اى تعارض بين تطعيم الانفلونزا الموسمى و اى تطعيمات
و خلى بالك لازم التطعيم يكون محفوظ فى درجة الحرارة منخفضة من ٢ الى ٨ علشان ميبوظش
يعنى تتأكدى من اى مصدره علشان تضمن فاعليته وده بتضمنه فاكسيرا بجميع فروعها .
و علشان انهى كلامى فيه شوية ملاحظات لازم نأكد عليها :
** اللقاح يؤجل و لكنه غير ممنوع لو كان الشخص عنده عدوى او درجة حرارته عالية
** اللقاح بيتاخد حقن عميق ف عضلة الكتف ، و يجوز انه يتحقن تحت الجلد
**اللقاح دة مفيش اي اخبار او معلومات بتقول انه له علاقة بكورونا.
** اللقاح بيضمن لك الحماية من أدوار الأنفلونزا المتكررة
***الفرق بين Vaxigrip tetra بين ال Influvac Terta انه
ال Vaxigrip ممكن اعطاؤه من اول سن 6 شهور .
حمايتك مسؤوليتنا
------------------------------------------------------------
تعليقات